الوصف التفصيلي لمباراة صهرجت الكبري

الوصف التفصيلي لمباراة صهرجت الكبري
من قرأ قل هو الله أحد عشر مرات بنى الله له بيتاً فى الجنة

PrevNext1234

...

حصريا بانفراد: الوصف التفصيلي لمباراة صهرجت الكبري vs كفر الجوهري

--------------------------------------------------------------------------------

حصريا بانفراد: الوصف التفصيلي لمباراة صهرجت الكبري vs كفر الجوهري

كتب واعد ونفذ فريق عمل صهرجتاوي
تغطيه صحفية
/محمد فتحي rone_4
محمد معوض خضر @mans@

تصوير واعداد / Smart
جرافيك الصور / احمد عصام
متابعة / Admin

بانفراد وتميز كالعاده نقدم لكم وصفا تفصيليا وحصريا
لمبارة منتخب صهرجت الكبري ومنتخب كفر الجوهري

وكالعاده وزي المره اللي فاتت كان يهمنا نعرف اراء جمهور صهرجت الكبير
وكان الجمهور كالعاده واثق في فرقته ثقه كبيره جدا وتوقعوا ان فريقهم هيقدر
يتخطي فريق كفر الجوهري ويصعد للدور قبل النهائي ويلاقي فريق كفر بدير

كمان سألنا الكابتن صابر محمد حسين رئيس مجلس ادارة نادي صهرجت
قولتله انت توقعتها المره اللي فاتت يا كابتن صابر 2 \ صفر وكان الحمدلله وشي حلو وكسبنا... تتوقعها كام النهارده يا كابتن ؟؟
(فقالي فرقة كفر الجوهري فرقه جامده جدا بس ان شاء الله فريق صهرجت قادر انه يتخطاه وان شاء الله هنكسب 2 \ صفر زي المره اللي فاتت )

ومع مرور الوقت وتوافد الجماهير الكتير علي ملعب اللقاء
نزل الفريقين يقوموا بعمليات الاحماء والتسخين قبل المباراه وكان تشكيل فريق صهرجت زي المباراه اللي فاتت بالضبط وكان .......

ومع انطلاقة اللقاء وضح من طريقة لعب فريق صهرجت انه نازل عايز يخلص اللقاء من اوله عشان الماتش ميبقاش صعب عليه
ومع الدقيقه التانيه يقوم حماده المرسي نجم وسط صهرجت بتسديد كره ولكنها كانت جمب القائم مع اول تسديده صهرجتاويه
وفي الدقيقه الرابعه انطلاقه من محمد جمال ويعمل وان تو مع محمود عثمان ولكن الدفاع يقطعها ببراعه
مع دخول الدقيقه السادسه يقوم الكابتن صابر حكم اللقاء باشهار البطاقه الصفراء للسيد المرسي معلنا اول بطاقه صفراء للقاء
ومع اكتساب فريق كفر الجوهري الثقه وفي الدقيقه السادسه تحضير من فريق كفر الجوهري وشوطه علي الطاير من مهاجم كفر الجوهري ولكنها تعلو العارضه
وزي مابنقول كلت من المقص اليمين لمحمد صلاح حته وتضيع اول هجمه لكفر الجوهري .
* في الدقيقه التاسعه تحضير من محمد جمال لحماده المرسي ويسدد ولكنها تخطئ المرمي

* محاولات من هنا ومن هنا وفي الدقيقه 14 شوطه من جانب فريق كفر الجوهري ولكنها جمب القائم .

* ومع حلول الدقيقه 15 توغل من فريق كفر الجوهري وتسديده جامده يصدها الحارس الصهرجتاوي محمد صلاح ببراعه ومع الدقيه 17 تظهر الخطوره لفريق كفر الجوهري من راسيه وتمر جمب القائم .

* وفي الاخير ينجح فريق كفر الجوهري من هجمه مرتده ولا اروع من كده من تمريره من حارس فريق كفر الجوهري بأيده يلمها المهاجم ويحطها من فوق محمد صلاح تسكن الشباك معلنة هدف التقدم لفريق كفر الجوهري في الدقيقه 18 وسط سكون وسكوت في ملعب المباراه .

* بعدها انذار لصاحب الهدف لقيامه بخلع الفانله .

* يعدها يقوم فريق صهرجت بالضغط والمحاولات بحثا عن هدف التعادل ولكنها محاولات تذهب كلها في مهب الريح .

* ووسط السكون في ملعب اللقاء يقوم السيد المرسي في الدقيقه 23 بتسديد كره قريبه جدا ولكنها تعلو المقص اليمين للحارس بسنتيمترات بسيطه تصحصح كل منى في الملعب .

* ومع الدقيقه الاخيره هجمه من حماده المرسي يشيلها الدفاع .

بعدها يصفر الكابتن صابر بانتهاء الشوط الاول

بين الشوطين يقوم الكابتن محمد معوض بأعطاء دش بارد للاعبين ويديهم التعليمات استعدادا للشوط التاني .

ومع صفارة الشوط التاني ومع بدايته وضح نية فريق صهرجت علي التعويض

* وفي الدقيقه التانيه شوطه من السيد المرسي ولكنها تطلع بره ضربة مرمي لفريق كفر الجوهري

* في الدقيقه التالته يقوم وسط دفاع فريق صهرجت بالتوغل والاختراق
ويسدد تسديده تطلع جمب القائم لحارس كفر الجوهري .

* في الدقيقه الخامسه يقوم فريق كفر الجوهري بعمل مرتده خطيره وتسديده يحط محمد صلاح ايده فيها وتخبط في القائ وترد

* طبعا هجمه صحصحت فريق صهرجت وفي الدقيقه الساديه يقوم حماده المرسي
بتسديد كوره في الزاويه البعيده لحارس كفر الجوهري معلنه الهدف الول والفرحه الاولي لفريق صهرجت عشان الملعب كله يتقلب فرحان بالجون بتاع المرسي الكبير .

* في الدقيقه الثامنه بعد الجون علي طول وزي مابيقولو في حموتها يسدد محمود عثمان تسديده ولا اروع يردها الجون ويقوم محمد جمال بمتابعتها في الجون معلنة هدف اللقاء الثاني لاصحاب الارض في حاله اشبه بالثوره من فريق صهرجت وانقلاب في ملعب المباره .

*في نفس اللحظه يحصل لاعب فريق كفر الجوهري علي الكارت الاصفر التاني ويقوم الكابتن صابر باشهار البطاقه الحمراء وطرده من ملعب اللقاء ويتصعب الامور علي فريق كفر الجوهري ويكملو اللقاء ناقصين لاعب.

* في الدقيقه العاشره اصابه لمحمد صلاح بعد تدخل عنيف من لاعب كفر الجوهري ولكنها سليمه .

* في الدقيقه 14 ومن هجمه مرتده تمريره بينيه من عاطف لحماده المرسي ولكنه بحطها فوق العارضه .

* وفي الدقيقه 15 هجمه خطر من السيد المرسي ولمن الجون يشيلها بتألق .

* في الدقيقه 17 يقوم الكابتن محم معوض بتغغير اللاعب محمود عثمان وينزل مكانه امجد سمير .

* في الدقيقه 18 انذار لمحمد صلاح حارس مرمي صهرجت لتضييع الوقت وفي نفس الدقيقه . هجمه خطر للسيد المرسي من تمريره محمد جمال المنفرد بالمرمي ولكنها تخطئ المرمي .

* في الدقيقه 21 انذار تاني لعاطف توفيق متوسط دفاع فريق صهرجت لدخوله العنيف علي لاعب كفر الجوهري .

* يقوم فريق كفر الجوهري بمحاولات وضغط لادراك هدف التعادل ولكنها كانت محاولات فاشله وفي الدقيقه 23 تسديده من ضربه حره مباشره يشيلها محمد صلاح من المقص ويحولها ركنيه .

*ومع مرور الوقت هجمه مرتده خطر من امجد سمير وانفراد ويخير انه يمررها لمحمد جمال ولكن الدفاع يتدخل.

* ومع نهاية اللقاء يقوم الكابتن صابر باطلاق صفارة نهاية الشوط التاني واللقاء معلنا فوز فريق صهرجت وتأهله لمبارة قبل النهائي ليلاقي فريق كفر بدير .

* مع نهاية اللقاء سألت الكابتن محمد معوض عن رأيه في اداء فريقه ؟

قال (الحمدلله ان احنا كسبنا فريق كفر الجوهري فريق قوووي وهجماته المرتده خطيره جدا بس الحمدلله اللعيبه عملت اللي عليها وكسبنا )

* سألت مدرب فريق كفر الجوهري ايه رأيك في المباراه ؟؟

قاللي (الحمدلله علي كل شئ احنا بنلاعب اقوي فريق في الدوره علي ارضه وسط جماهيره لعبنا ماتش كويس واعتقد ان حكم المباراه ظلمنا في حالة الطرد بس الحمدلله )

* سألت محمد جمال صاحب الهدف التاني قولتله اكيد فرحه كبيره يا محمد ؟

(قالي طبعا الحمدلله ان احنا كسبنا واني جبت الجون التاني وربنا وفقني فيه )

* قولتله جون صعب من زاويه صعبه ؟؟

قالي (والله انا ساعتها مجاش في بالي غير جون متعب في فريق بنين اللي كان في بطولة افريقا في انجولا لما ردت وكملها في الجون )

وفي الاخير اسيبكم مع احصائيات اللقاء

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 794x850 الابعاد 395KB.

* مش فاضل غير اني افكركم ان فريق صهرجت هيلاعب في قبل النهائي فريق كفر بدير .

تحياتنا / فريق عمل صهرجتاوي

اتفضلوا الصور

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 2592x1944 الابعاد 163KB.

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 2592x1944 الابعاد 121KB.

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 2592x1944 الابعاد 173KB.

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 2592x1944 الابعاد 151KB.

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 2592x1944 الابعاد 128KB.

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 2592x1944 الابعاد 223KB.

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 2592x1944 الابعاد 111KB.

المصدر: منتديات صهرجتاوي

التوقيع:

اللهم اجعل ما اشاء موافقا لما تشاء . كي لا يصير ما شاء مخالفا لما تشاء . وما انا حتى اشاء خلاف ما الله يشاء . لو جاهد العبد وشاء ما كان الا ما تشاء . فالطف بنا في ما تشاء . وما تشاؤون الا ان يشاء الله رب العالمين

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 719x720 الابعاد 82KB.

rone_4
مشاهدة ملفه الشخصي
إرسال رسالة خاصة إلى rone_4
البحث عن المشاركات التي كتبها rone_4

02-20-2010, 10:13 PM رقم المشاركة : [2]

صهرجتاوي جامد جدا

--------------------------------------------------------------------------------

بسم الله الرحمن الرحيم
طبعا فى الأول أحب أهنئ منتخب صهرجت بفوزه الصعب على منتخب كفر الجوهرى.
مبروووووووك.
وإن شاء الله نكسب كفر بدير ونوصل للنهائى.
تحياتى لكل الصهرجتاويه.
ألف مليون مبروووووووووك.
تحياتى:mr.mohamed

التوقيع:بسألك ليه الهوى منك وفيك
ليه المشاعر ما تعيش إلا بساعة شوفتك
ليه المحبة والوفا وأبيات شعري تهتويك
ليه أنت وبس اللي أموت ببسمتك
تدري لو مرة أقول إني كرهتك ما أبيك
يرجع علي صوت الصدا يقول
الله ما أكبر كذبتك

mohamed.love
مشاهدة ملفه الشخصي
إرسال رسالة خاصة إلى mohamed.love
البحث عن المشاركات التي كتبها mohamed.love

02-21-2010, 12:33 AM رقم المشاركة : [3]

صهرجتاوي جامد جدا

--------------------------------------------------------------------------------

الف مليون مبروك سبحانك اللهم وبحمدك ، أشهد أن لا إله إلا أنت أستغفرك وأتوب إليك

أحمد مجدى محمد
مشاهدة ملفه الشخصي
إرسال رسالة خاصة إلى أحمد مجدى محمد
البحث عن المشاركات التي كتبها أحمد مجدى محمد

02-21-2010, 02:20 PM رقم المشاركة : [4]

صهرجتاوى جديد

--------------------------------------------------------------------------------

على فكره ممكن يجيبو كشفات و يزرعو نجيله لستاد صهرجت

adelmohammed
مشاهدة ملفه الشخصي
إرسال رسالة خاصة إلى adelmohammed
البحث عن المشاركات التي كتبها adelmohammed

03-02-2010, 04:11 AM رقم المشاركة : [5]

صهرجتاوى جديد

--------------------------------------------------------------------------------

ايوه الملعب ده لو زرعو فيه نجيله هيبئا حاجه تنيا خالص عارفين لما الطقس كان بيزل ثلج

كنت تبس على الملعب اكنوه استاد فى اروبا كان شكلوه خطير

تحياتى mester :abdlmageed net

التعديل الأخير تم بواسطة abdo ; 03-02-2010 الساعة 04:21 AM.

abdo
مشاهدة ملفه الشخصي
إرسال رسالة خاصة إلى abdo
البحث عن المشاركات التي كتبها abdo

« الموضوع السابق | الموضوع التالي »

أدوات الموضوع
مشاهدة صفحة طباعة الموضوع
أرسل هذا الموضوع إلى صديق

انواع عرض الموضوع
العرض العادي
الانتقال إلى العرض المتطور
الانتقال إلى العرض الشجري

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

--------------------------------------------------------------------------------

BB code isمشاهدة المزيد

13 minutes ago ·أعجبنيإلغاء إعجابي · ·إلغاء الاشتراكالاشتراك

اكتب تعليقاً...

الإثنين	الثلاثاء	الأربعاء	الخميس	الجمعة	السبت	الأحد
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31