مشروع الجنيه الواحد جمعية شباب الخير
اتبرع ولو بجنيه

*******

اتبرع ولو بجنيه اتبرع بلي تقدر عليه

فى ناس عايشه فى عذاب

وناس تحت التراب

( ماتت مش لاقيه الدوا)

وناس عايشه فى قصور

وناس جوه القبور

( كانت حياتهم جرح واسى)

اتبرع ولو بجنيه اتبرع بلي تقدر عليه

انقذ انسان على وش الموت

مدلو ايدك خد باديه

ـــــــــــــــ

ست ياناس جوزها توفى

وعيالها يا دوبا فى اللفه

البيت فاضى ما عندها لقمه

ولا لاقيه ايد تساعدها

تعمل ايه فى الدنيا الاسيه

فضلت ماشيه رايحه وجايه

مسكينه تاهت فى الدنيا

ومش لاقيه غير الشوك تجنيه

اتبرع ولو بجنيه

ـــــ

وزى العاده فى كمان حاجه

فى بلدنا يا ناس بزياده

ناس مش لاقيه اي سعاده

واطفال مساكين ويتامى

محتاجين لحضن دافى

محتاجين لقلب صافى

محتاجين ينسو ماضى

محتاجين لو حتى ايه

اتبرع ولو بجنيه

ـــــــــ

انا خلصت كلامى يا دنيا

ورسالتى وصلت للناس

اللي عايشه وعنيها عاميه

مش شايفه اي هموم للناس

لاء اصحى وفوق واتبرع

خلى ربك يرضى عليك

واقعد بينك وما بين نفسك

دنتا الجانى مش مجنى عليك