يابن بلدي يابن ميت غمر .. اسمع كلامى

يابن بلدي يابن ميت غمر .. اسمع كلامى .. انا مش مرشح نفسى فى انتخابات ولا مستنى منك حاجه .. غير انك تفهم و تبقى واعي لبلدك و تحافظ عليها ..
ـــ لازم تنزل تنتخب .. واوعى حد يضحك عليك بأي حاجه عشان يشتري صوتك ..
اوعى حد يستغفلك .. و اوعى انت تبطل وتبوظ صوتك وانت مش حاسس ــ بالراحه
نفهم مع بعض ..

أولا :: هتدخل لجنتك ومعاك رقمك القومي (البطاقه) .. مش هينفع باسبور ولا رخصه ولا كارنيه ولا أى حاجه تانيه .. رقمك القومي بس ..
ثانيا :: هتلاقى فى اللجنة حد يساعدك .. هيطلع اسمك و هيعلم عليه ..
ثالثا :: هتمضى أو هتبصم قدام إسمك..
رابعا :: هتاخد ورقة القوائم .. واللى هتكون بأسماء الأحزاب (هتختار قائمه
واحده بس) وورقه تانيه للفردي واللى هتكون فيها أسماء اشخاص .. اختار منها
اتنين .. واحد فئات وواحد عمال .. أو اتنين عمال .. ـ(أوعى تعلم على تلاته
أو واحد بس)ـ صوتك يبوووظ وتبقى خسرت صوتك يعنى اتنين .. لازم اتنين لا
اكتر ولا اقل وطبعا الكلام ده يكون مقفول عليك ستاره.
خامسا :: هتطبق ورقة القائمه و تحطها فى صندوق القائمه وهتطبق ورقة الفردي وتحطها فى صندوق الفردي.
سادسا :: تحط صابعك فى الحبر الفسفوري..
سابعا :: تخرج و تاخد نفس عميق وتحس بالفخر انك شاركت فى صناعة مستقبل بلدك
وتدعي بإن ربنا يولى من يصلح .. ويخرب بيت اللى أفسدوا ميت غمر وخلوها
بالمنظر ده من شوارع مكسره و انعدام النضافه و انعدام النظام و عدم الأمن
..

تحياتي :: صفحة ميت غمر
بواسطة: ميت غمر