كلية زراعة الزقازيق

سيبك من رؤية الكلية والحوارات دى
خلينا فى المهم...الكلية المفروض انها تؤهلك للعمل بعد التخرج...وده فى اغلب الاحيان بيحصل بنسبة 30-40% ..والكلية عبارة عن اربع سنين اول وتانى سنة بتاخد مواد تؤهلك برضه لانك تتخصص فى اى قسم من ال15 قسم او ال18 زى مابيقولوا
والمواد دى بتبقى عبارة عن مناهج اساسها الاحياء والفيزيا والكيميا بس على توسع شوية..ده غير الجيولوجيا وشوية هندسة كدة..فى تالتة بتكون اخترت القسم اللى حابب تدرس فيه وبتتخصص فى دراستك فى تالتة ورابعة فيه..زى مثلا امراض نبات.بتدرس جميع امراض النباتات والفطريات المسببة وهكذا ..واحد هايقول طب وبعد ما اتخرج هاشتغل ايه؟؟؟؟ المفروض انك تشتغل فى تخصصك ..يعنى درست كيميا(قسم كيميا) تشتغل فى الادوية تشتغل فى معامل الابحاث...درست محاصيل او بساتين تشتغل فى مزارع الفاكهة او الاراضى المزروعة بمحاصيل زى القمح -القصب-الارز...واحد هايقولى طب ولو مالقيتش شغل زى ما اغلب الناس بتقول...اعمل فيك ايه ساعتها...بقوله : اللى بيسعى فى شىء الغرض منه رضا ربنا واصلاح الارض وتعميرها ...ربنا هايساعده ..واللى مستنى الشغل ييجى لحد عنده ومتخيل انه هايقعد ملك ..هايفضل زى ماهو
ونتمنى التوفيق للجميع لما فيه خير البلاد والعباد